Urdu – Nourish the light of faith in your heart. Let the love of Prophet صلى الله عليه …

Nourish the light of faith in your heart. Let the love of Prophet صلى الله عليه وسلم guide you . Don't rely on the external. Don't let your eyes and ears deceive you

اپنے دل میں نورِ ایمان کو پروان چڑھائیں۔نبی کریم(ﷺ)کی محبت کو اپنا رہنما بننے دیجیئے۔ظاہر پر انحصار نہ کریں۔آپ کی آنکھیں اور کان آپکو دھوکے میں نہ ڈالیں۔

اَعُوْذُ بِاللہ مِنَ الشَّیْطٰنِ الرَّجِیْمِ۞
اللہ عزوجل کی پناہ مانگتا ہوں شیطان مردود سے

بِسْمِ اللہ الرَّحْمٰنِ الرَّحِیْمِ۞
اللہ عزوجل کے نام سے شروع کرتا ہوں جو نہایت مہربان رحم کرنے والا ہے ۔

أَطیعُوا اللّهَ وَأَطیعُوا الرَّسُول وَأُولی الأمرِ مِنْکُمْ۞
اے ایمان والو! اللہ عزوجل کی اطاعت کرو اور رسول (ﷺ) کی اطاعت کرو اور اپنے میں سے (اہلِ حق) صاحبانِ اَمر کی۔

اور ہمیشہ میرے اپنے لئے ایک یاد دہانی اَنَا عَبْدُكَ الْعَاجِزُ، ضَعِیْفُ ، مِسْکِینُ وَ ظَالِمْ وَ جَھَلْ (یا رب، میں آپ کا عاجز، ضعیف، مسکین و ظالم و جاہل بندہ ہوں) اور آج ہم بات کر رہے تھے کہ جیسے ہی آپ کمنٹ سیکشن اور ای میلز کھولیں تو آپ کو تمام ظاہری (مادیت پسند) لوگ تبصرہ کرتے ہوئے ملتے ہیں اور یہ راستہ (راہِ طریقت) دل کے اندر کی خوبصورتی ، دل کے اندر کے نور اور دل کے ایک شمس، ایک سورج بننے پر مبنی ہے ، اور اللہ (عزوجل) نور الایمان اور ایمان کا شعلہ بھڑکائے تاکہ دل پُرضیاء(نور، روشنی)، ایک آتش کی طرح ہو جائے ۔ جب وہ دل جلتا ہے اور وہ آگ(آتشِ عشق) جل رہی ہے ، بندے کا چہرہ قمر ، ایک چاند بن جاتا ہے اور جو دل کی کیفیت کو ظاہر کرتا ہے۔ یعنی ہماری یہ پوری کہکشاں ہر انسان کے اندر موجود ہے ، اللہ (عزوجل) نے فرمایا، تم کیوں اپنی معراج نہیں کرتے؟

فَلَا اقْتَحَمَ الْعَقَبَةَ ﴿١١﴾

"وہ تو (دینِ حق اور عملِ خیر کی) دشوار گزار گھاٹی میں داخل ہی نہیں ہوا" [ 90:11] سورۃ البلد

یہ سورۃالبلد کا مہینہ ہے۔جہاں اللہ (عزوجل) 9 اور 9 گنا 10=90 کی طاقت سے ہم سے دریافت فرما رہا ہے۔نوے(90) صدیقین کی قدر ہے ۔ چار عظیم صدیق جو اس تخلیق کے دائرے کو گھیرے ہوئے ہیں۔9 گنا 4 = 360۔مطلب (دیکھئے) حقیقت کا یہ پورا دائرہ کیسے ان صدیقین کے گھیرے میں ہے: سیدنا ابوبکر الصدیق (ع) سیدنا عمر (ع)، سیدنا عثمان (ع)، امام علی(ع)، اللہ (عزوجل) کا ان سب پر درود و سلام ہو۔ کہ حقائق کا یہ مہینہ، عرشِ الہی تک پہنچنے کی تعلیم کا مہینہ ہے ، کہ ہمارا دل سورج بن جائے۔ اگر سورج روشن ہوا تو چہرہ ایک چمکتا ہوا چاند ہوگا۔ وہ لوگ جو اس دنیا کے(ہوگئے) ہیں ،(انکا)دل خالی اور باطل ہے اور آپ کو چہرے پر صرف تاریکی نظر آتی ہے ۔ ظاہری اور بیرونی لوگ جو یہ مانتے ہیں کہ انہوں نے یہ کتاب اپنے دماغ سے سیکھ لی ہے ، انہوں نے اپنے اعمال اپنے دماغ کے ذریعہ کیے، لیکن اس کے باوجود ان کا دل کبھی بھی ایسا نہیں تھا جسے دھویا اور پاک کیا گیا ہو۔مطلب اگر دل میں تاریکی ہے تو ہر اندھیرا چہرے سے چھلک رہا ہے۔ یہاں تک کہ چمک بھی نہیں رہا، یہ صرف ایک خلاء ہے جو ہر طرح کی روشنی کو نگل لے گا۔ لہذا،مومن کو اپنے دل کو استعمال کرنے کی ضرورت ہے کہ یہ راہِ معرفت اچھے کردار پر مبنی ہے. یہ تحفہ جو اللہ (عزوجل) بندے کو دیتا ہے وہ محبت کا تحفہ ہے۔ اگر یہ محبت عطا کی گئی ہے تو مطلب اللہ (عزوجل) نے بندے کے قلب میں اپنا سب سے عظیم تحفہ بویا ہے۔ ان کا فرض ہے کہ وہ اس محبت کی پرورش کریں ، اس محبت کی حفاظت کریں ۔کہ ایمان محبت ہے۔ایک چھوٹی موم بتی کی طرح وہ محبت بہت ہی کمزور اور بے حد معصوم ہے اس کو محبت سے پروان چڑھانا ہے ، محبت سے اس کی پرورش کرنی ہے ،اچھے کردار سے اسے سینچنا ہے۔ یہ ایک بہت ہی عام فہم بات ہے۔ برا کردار کبھی بھی محبت پیدا نہیں کرسکتا۔ محبت کے بغیر ، ایمان نہیں۔ لوگ نہیں سمجھتے ، سوچتے ہیں عقیدہ کچھ مختلف ہے۔ نہیں ، ایمان محبت ہے ۔

جس کو بھی خدا نے محبت عطا کی ، ہے، ان کے دل میں محبتِ الہی ، اللہ (عزوجل) کی مخلوق کے لئے شفقت،اردگرد کی ہر چیز، یہاں تک کہ فطرت کے لئے شفقت (دی ہے )، حتیٰ کہ اللہ (عزوجل) نے ان کو اپنے پورے وجود میں بھی سراپا محبت بنا دیا ہے۔ اس کا مطلب ہے کہ اللہ (عزوجل) نے انھیں "ودود" (عشق) عطا فرمایا ہے، انہیں ایمان عطا کیا ۔اگر ان کے پاس ایمان ہے، تو انھیں اللہ (عزوجل) کی رضا و خوشنودی حاصل ہے۔تو ،راستہ پھر دل پر مبنی ہے۔ ہم نے بہت سی مثالیں دیں۔ اگر ہر شخص آپ کے لئے قرآن مجید کی تلاوت کرتا ہے تو ، قرآن پاک کی پاکیزگی جس پر ہم اتفاق کرتے ہیں کہ یہ سب پاک(کلام) ہے۔ تو، کوئی ایسی شئے جو بہت ہی خوبصورت ، پاک ہو جیسے قرآنِ مجید ، سیدنا محمد (ﷺ) کی حدیث مبارکہ — سب سے اہم وہ برتن ہے ،جس میں یہ(کلام ) آپ کے پاس آتا ہے ۔ اگر یہ قرآن آپ کے پاس کسی بیمار شخص کے ہونٹوں اور کسی برے کردار کے ذریعے ، کسی بیمار کی تعلیمات کے ذریعہ آتا ہے تو آپ آلودہ ہوجاتے ہیں '۔ جس برتن میں آپ پیتے ہو (اسکا پاک ہونا) اتنا ہی ضروری ہے جتنا کہ جو آپ پی رہے ہیں اس کا(پاک ہونا)۔ کیونکہ آپ بہت سارے لوگوں کو جان سے مار ڈالو گے۔ آپ انہیں ایک عمدہ مشروب دکھاتے ہیں لیکن آپ کا گلاس(برتن) زہریلا ہے اور شیطان یہی چاہتا ہے۔ تو ، بہت آسان بات ہے، ہمیں عربی کی بڑی(مشکل) اصطلاحات کی ضرورت نہیں ہے۔ شیطان کا کام برتنوں کو زہر آلود بنانا ہے اور کسی زہریلے برتن کے ذریعہ علم کی فراہمی ہے۔ لہذا ، لوگ ظاہر کے لئے دوڑتے ہیں جو ان کی آنکھوں کو بھلا لگتا اور راغب کرتا ہے۔ 'اوہ قرات(تلاوت) کامل ہے ، یہ اکمل ہے ، لباس عمدہ ہے ، داڑھی بالکل ایک خاص طریقے سے کاٹی گئی ہے ، مونچھیں اس طرح کٹی ہیں، بالوں کو اس طرح تراشا گیا ہے' لیکن ہوسکتا ہے کہ کردار(بھلا) نہ ہو اور کردار یہ ہو کہ ، اس میں غصہ اور غضب ہے اور چیخ و پکار اور بےادبی سے بات کرتا ہے۔

میں نے کسی کو صحابہ کرامؓ،(سیدنا محمد ﷺکے) معزز ساتھیوں،حقیقت کے تاروں، کے بارے میں بات کرتے ہوئے دیکھا ، اور وہ بھی ان(صحابہ کرامؓ) کا پہلا نام لے کر ' آہ ' ( شیخ ان کی آواز کی نقل کرتے ہوئے) ، پھر اُن(صحابی) کا نام لیا، پھر اُن(صحابی) کا لیا، پھر اُن(صحابی) کا نام لیا، ایک اسٹریٹ فائٹ کی طرح۔ اللہ (عزوجل) دکھا رہا ہے کہ اگر ان کے منہ سے برائی نکل رہی ہے ، دل تو کہیں زیادہ خراب ہے۔

وَدُّوۡا مَا عَنِتُّمۡ ۚ قَدۡ بَدَتِ الۡبَغۡضَآءُ مِنۡ اَفۡوَاہِہِمۡ ۚۖ وَ مَا تُخۡفِیۡ صُدُوۡرُہُمۡ اَکۡبَرُ ؕ قَدۡ بَیَّنَّا لَکُمُ الۡاٰیٰتِ اِنۡ کُنۡتُمۡ تَعۡقِلُوۡنَ ﴿۱۱۸﴾

وہ تمہیں سخت تکلیف پہنچنے کی خواہش رکھتے ہیں، بغض تو ان کی زبانوں سے خود ظاہر ہو چکا ہے، اور جو (عداوت) ان کے سینوں نے چھپا رکھی ہے وہ اس سے (بھی) بڑھ کر ہے۔ ہم نے تمہارے لئے نشانیاں واضح کر دی ہیں اگر تمہیں عقل ہو،

(118 – آل عمران)

اگر ان کے منہ سے کہی گئی باتیں آپ کو ناگوار لگ رہی ہیں تو ، جان لیں کہ ان کے دل میں جو ہے وہ اس سے بھی خراب ہے کیونکہ وہ اپنے منہ سے نبی کریم ( ﷺ ) کو تکلیف دے رہے ہیں اور اللہ (عزوجل) فرماتا ہے ، اگر ان کا منہ(زبان) آپ کو نقصان پہنچا رہا ہے اور آپ کو غمزدہ کر رہا ہے تو ان کے دل میں جو چیز ہے وہ اس سے کہیں زیادہ بری ہے۔ اللہ (عزوجل) صورت کی طرف نہیں دیکھتا ، اللہ (عزوجل) شکل اور ظاہر کی طرف نہیں دیکھتا لیکن اللہ (عزوجل) اس بندے کے دل کی طرف دیکھتا ہے۔ اللہ (عزوجل) کی نظر(نگاہ) دل پر پڑتی ہے۔ اگر یہ دل محبت سے عاری ہے ، تو اس کا مطلب ہے کہ اس میں ایک عمل بھی ایسا نہیں تھا، جس سے اللہ (عزوجل) نے اس کے اندر محبت پیدا کی ہو۔ وہ اپنے خاندں یا اپنے بچوں کے ساتھ مہربان نہیں تھا، کسی مخلوق یا کسی بھی چیز کے ساتھ مہربان نہیں تھا جس کی وجہ سے آپ کو اللہ (عزوجل) کی محبت کا ایک قطرہ بھی نہیں مل سکا۔ پھر آپ سیدنا محمد (ﷺ) سے کس طرح پیار کریں گے یا ان(ﷺ) کی محبت رکھیں گے؟ایسی جگہوں پر بھی ہمارا جانا ہوا جہاں، وہ نبی کریم(ﷺ) سے محبت کا دعویٰ کرتے ہیں اور وہ خوفناک مثالیں دیتے ہیں، (مثلاً)'آپ(ﷺ) کا جسم ایسا تھا جیسے آپ جانتے ہیں لرز رہا ہو۔' آپ اس طرح کی باتیں کیسے کہہ سکتے ہیں؟؟ لہذا ، مطلب ہے کہ ہر ایک کا اندرونی لیٹمس ٹیسٹ ہوتا ہے۔ یہ سب کامن سینس ہے۔ شیخ ناظم( ق) کی کرامت اور معجزہ حیرت انگیز حقائق (کو ایسے) بتانا تھا کہ ایک پانچ سالہ بچہ بھی آپ (ق) کے ساتھ بیٹھتا تو سمجھ سکتا تھا۔ پیچیدہ عربی نہیں جسے کسی دوسرے پیچیدہ عرب کے سوا کوئی نہیں سمجھ سکے۔ لیکن ایک پانچ سالہ بچہ !! ہمارے پاس پانچ اور چھ اور سات سال کی عمر کے بچے نوٹس لیتے ہیں اور وہ گھر پر سمجھتے ہیں ، ' شیخ(ق) اچھے آداب کے بارے میں بات کر رہے تھے' ۔بس یہی بات ہے ،امی چیخیں نہیں۔ شیخ(ق) نے فرمایا ہے: 'اچھے اخلاق اپنائیں۔' بچے سکھائیں گے۔آپ کو کوئی پیچیدہ چیز دینے کی ضرورت نہیں ہے۔ وہ بچے جو دیکھ رہے ہیں وہ سمجھ گئے ، وہ اپنے والدین سے کہتے ہیں ، ' مولانا (ق) نے فرمایا تھا: کہ "چیخیں نہیں ، اچھا سلوک کریں۔" اور آپ(کہتے ہیں)، 'اوہ! ہاں انھوں(شیخ) نے فرمایا تھا ،ٹھیک ہے'(ہنسی)۔صحیح؟؟ تو ، بہت پیچیدہ حقیقت۔ وہ لوگوں کے دل کی طرف دیکھتے ہیں۔ ، آپ ، اس بیان (لیکچر / خطبہ) میں سنیں اور اس ٹاک 'خلق الانسان' میں، 'علم القرآن،خلق الانسان' اور پھر ہم نے اسے سکھایا البیان۔

الرَّحْمَـٰنُ (۱) عَلَّمَ الْقُرْآنَ ﴿٢﴾ خَلَقَ الْإِنسَانَ(۳) عَلَّمَهُ الْبَيَانَ ﴿٤﴾

(وہ) رحمان ہی ہے،[۱]

جس نے قرآن سکھایا، [۲]

اُسی نے (اِس کامل) انسان کو پیدا فرمایا،[۳]

اسی نے اِسے (یعنی نبیِ برحق صلی اللہ علیہ وآلہ وسلم کو) بیان سکھایا، [۴]

مطلب کہ یہ سیدنا محمد (ﷺ) کی لسانِ مبارک کا بیان ہے. اور یہ ہماری پوری زندگی کی کاوش ہے کہ ' یا ربی ، مجھے سیدنا محمد (ﷺ) سے میری اپنی ذات سے زیادہ محبت عطا کیجئے۔ نبی کریم ﷺ کی محبت کو ،میرے دل کی رہنمائی کرنے دیجیئے ،میری آنکھوں کو خوبصورت اور زبان کو میٹھا(شیریں لہجہ) بنانے دیجیئے۔ اگر آپ کبھی دکھی باہر بیٹھے ہوں اور پھر اللہ (عزوجل) تمام پرندوں کو اردگرد بھیج دے۔اگر آپ کبھی افسردہ اور اداس ہوں تو کسی پارک میں جائیں اور سنیں۔تو آپکو یہ تمام پرندے سُنائی دینے لگیں گے جو اللہ (عزوجل) کی حمدوثناء کر رہے ہیں ،اپنے پورے دل سے حمد کر رہےہیں ، اپنے عشق اور محبت میں ڈوبے چہچہا رہے ہیں اور اللہ (عزوجل) نے فرمایا ، یہ بھی آپ کی طرح ہیں۔ اس وقت جب آپ اپنے صلوات (درود) پڑھ رہے ہوتے ہیں اور سیدنا محمد ( ﷺ ) کی محبت کا اظہار کر رہے ہوتے ہیں اور لوگوں کو سیدنا محمد ( ﷺ )کی محبت سکھا رہے ہوتے ہیں، تو ہماری تمام روحانیت (روح) پرندے کی طرح ہوجاتی ہے ، اللہ (عزوجل) حقیقت کو فرشتوں کی مانند تخلیق کردیتا ہے اور یہ فرشتے کامل اور خوبصورت ثناء کے ساتھ ہیں ، اور انہیں سیدنا محمد (ﷺ) کی بارگاہ میں بھیج دیا جاتا ہے۔ اور وہ حمد اور ثنا ءکرنے لگتے ہیں اور ہر حمد ایک لباس اور نعمت ہے جو سیدنا محمد (ﷺ) پر بھیجی جارہی ہےﷺ۔گویا فرشتے سیدنا محمد (ﷺ) کے مقدس نور میں ، مقدس قلب میں داخل ہو رہے ہیں۔ اس راہ کے بارے میں ہر چیز ایک خوبصورت کردار کی ہے۔ ہم نے کہا کہ جب آپ ایسا کرتے ہیں( شیخ اپنا دستِ مبارک چوم کر پھر اپنے قلبِ مبارک پر رکھ لیتے ہیں) جب سیدنا محمد (ﷺ) کا نامِ نامی ذکر کیا جاتا ہے اور آپ اپنے دل کو بوسہ دیتے ہیں تو اللہ (عزوجل) ایک فرشتہ بناتا ہے ، ایک فرشتے کو وجود میں لاتا ہے۔ اسی محبت سے،جس کا آپ نے ابھی اظہار کیا، ایک فرشتہ ظاہر ہوگا اور فوراً سیدنا محمد (ﷺ) کے نور میں پرواز کرے گا اور یہ بتائے گا کہ یہ(محبت) اس بندے کی طرف سے ہے۔ یہ(بندہ)آپ کو محبت بھیج رہا ہے۔کہ جب آپ اپنے انگوٹھوں کو سیدنا محمد (ﷺ) کے اسمِ مبارک اور اذان پر چومتے ہو ( شیخ اپنے انگوٹھوں کو بوسہ دیتے ہیں اور اسے اپنی آنکھوں پر رکھتے ہیں)۔قُرَّۃُالْعَیْنْ(تو یہ آنکھوں کی ٹھنڈک ہے) اے میرے رب! تو آپ سوال کرتے ہیں کہ ' اے میرے رب! اس نور سے جو تو نے مجھے عطا کیا ،میرے نور کو، میری آنکھوں پر نورِ محمدی (ﷺ) سے مزین فرما۔'رحمن' اور 'رحیم' کی یہ حقیقت کھلنے دے۔سیدنا محمد (ﷺ)کے خوبصورت انوار کو مجھے ڈھانپنے دے تاکہ میں وہ نہ رہوں جو دنیا کی بدصورتی کو دیکھتا ہے، بلکہ آپﷺ کے مقدس نور اور خوبصورت اور پاکیزہ انوارات(کا دیدار کروں)، مجھے اللہ (عزوجل) نے جو تخیلق فرمائی (نورِ محمدیﷺ)، کی خوبصورتی کا دیدار عطا ہو، تو یہ زندگی میں ہمارا امتحان ہے۔ اللہ (عزوجل) فرماتا ہے، کیا آپ کے پاس دیکھنے کو آنکھیں ہیں؟ اللہ (عزوجل) کیوں پوچھ رہا ہے کہ دیکھنے کو آنکھیں ہیں؟،وہ جانتا ہے کہ اس نے ہمیں آنکھوں کے ساتھ پیدا فرمایا ہے۔ 'اور کیا ان کے پاس سننے کو کان ہیں؟' ہماری زندگی اسی بارے میں تھی کہ جب ہم ان مقامات اور ان چینلز سے اپنے علم کا مشاہدہ کرتے اور اسے حاصل کرتے ہیں ، اللہ (عزوجل) سوال فرما رہا ہے ، 'کیا آپ کے پاس سننے کو کان نہیں؟' وہ جو چیخ رہا ہے اور چِلَّا رہا ہے اور برا بھلا کہہ رہا ہے ، اس سے منہ موڑ لو، جو کچھ بھی آرہا ہے وہ آپ کے کانوں کے لئے ایک زہر ہے ، آپ کے دل کے لئے زہر ہے اور پھر اللہ (عزوجل) آنکھوں کے بارے ، یہ پوچھتا ہے کہ کیا آپ کے پاس دیکھنے کے لئے آنکھیں نہیں ہیں؟ کہ اس شخص کی نظریں جو گندگی دیکھتی ہیں ، وہ عکس ہوتی ہے اور آپ کے پورے روحانی نگاہ کو گندا کردیتی ہے۔ اور وہ کہتے ہیں ، 'اگر آپ کسی گندے بے گھر شخص کو لے لیں، یہ ٹھیک نہیں ہے، تو کردار سالوں سے خراب اور ناراض اور گھناؤنا ہے اور آپ اسے سفید پوشاک(لباس) پہناتے ہیں۔ کیا وہ آپ کیلئے خوبصورت ہو گیا ہے کیونکہ آپ نے کسی پر صرف ایک (صاف) چادر ڈال دی ؟ آپ گندگی اور کردار کو نہیں دیکھ سکتے لیکن اگر آپ کسی ملکوتی شخص (اہلِ فراست) کو لے جاتے ہیں جس کا کردار ملکوتی ہے،نور خوبصورت ہے اور آپ اسے گندا لباس پہنا دیں ، اس کے نور کی خوبصورتی پھر بھی چمکے گی۔یہ کپڑے نہیں ہیں جو آدمی کو (خوبصورت)بناتے ہیں بلکہ وہ(محبت) ہے جو اللہ (عزوجل) نے ان کے دل میں ڈالی ہے۔ یہ راستہ تاریک رات کے ستاروں کی طرح دل کی حقیقت پر مبنی ہے۔مطلب حد سے زیادہ جبر زمین پر چھا جائے گا۔نبی کریم ﷺ نے نوجوانوں کے خطرے کو بیان فرمایا ، متکبر نوجوان جو اتنے تکبر سے بھرے ہوئے ہیں کہ چھوٹی سی عمر میں ہی وہ مفتی بن جاتے ہیں۔ ایک 22 ، 25 حتیٰ کہ 30 (برس کی عمر میں) وہ مفتی ہیں اور ان کے علوم اور معلومات تکبر پر مبنی ہیں۔ شیطان کا فخر ، استاد تھا۔ ہم نے کہا تھا کہ اساتذہ کی خصوصیت طالب علم کو متاثر کرتی ہے۔ اگر استاد غصہ کرتا ہے تو ، استاد برا ہے ، استاد کا کردار خراب ہے، استاد کی سمجھ غلط ہے ،اس سے طالب علم متاثر ہوتا ہے۔ اور اسی وجہ سے فرشتے شیطان سے متاثر ہوئے تھے ۔ وہ فرشتے جو مظلوم ہیں اور کامل(معصوم) تخلیق ہوئے ہیں ، انہوں نے اللہ (عزوجل) سے سوال کیا۔ 'یہ وہ خلیفہ (نائب) ہے، جو خونریزی کرنے والا ہے؟' فرشتے اللہ (عزوجل) سے کس طرح پوچھ سکتے ہیں؟ کیوں؟ کیونکہ ان کا استاد شیطان تھا ، یہ فرشتوں کا گروہ تھا جن کا علم شیطان سے آرہا تھا ۔ وہ ملائکہ (فرشتوں) کو تعلیم دے رہا تھا ، وہ درس و تدریس اور سبق دیتا تھا۔ اسے تکبر تھا۔وہ اپنے علوم اور تعلیم پر اتنا فخر کرتا تھا اور فرشتے حیرت زدہ تھے اور اسے(علم کو ) لیے جا رہے تھے۔ لیکن اللہ (عزوجل) شیطان کو بے نقاب کرنا چاہتا تھا ۔ لہذا ، فوری طور پر تاکہ وہ فرشتے سمجھ جائیں کہ 'یہ وہ علم نہیں ، جو آپ کے لئے اہم ہے بلکہ اس کردار کو دیکھیں جو اس نے آپ میں انڈیلا ہے ،کہ جب میں کچھ کہتا ہوں تو آپ نے اس پر سوال کیا۔' کسی فرشتے یا انسان یا کسی بھی چیز کی کیا مجال کہ اللہ (عزوجل) سے سوال کرے ؟ میں نے کہا ، 'میں نے آدم کو اپنا خلیفہ بنایا ' اور پھر ایک فرشتہ آ کر کہتا ہے، 'کیوں؟وہ(انسان) خونریزی بپا کرے گا۔گویا وہ اللہ (عزوجل) سے زیادہ جانتا ہے اور یہی خطرہ تھا۔

اِذۡ قَالَ رَبُّکَ لِلۡمَلٰٓئِکَۃِ اِنِّیۡ جَاعِلٌ فِی الۡاَرۡضِ خَلِیۡفَۃً ؕ قَالُوۡۤا اَتَجۡعَلُ فِیۡہَا مَنۡ یُّفۡسِدُ فِیۡہَا وَ یَسۡفِکُ الدِّمَآءَ ۚ وَ نَحۡنُ نُسَبِّحُ بِحَمۡدِکَ وَ نُقَدِّسُ لَکَ ؕ قَالَ اِنِّیۡۤ اَعۡلَمُ مَا لَا تَعۡلَمُوۡنَ ﴿۳۰﴾

اور (وہ وقت یاد کریں) جب آپ کے رب نے فرشتوں سے فرمایا کہ میں زمین میں اپنا نائب بنانے والا ہوں، انہوں نے عرض کیا: کیا تُو زمین میں کسی ایسے شخص کو (نائب) بنائے گا جو اس میں فساد انگیزی کرے گا اور خونریزی کرے گا؟ حالانکہ ہم تیری حمد کے ساتھ تسبیح کرتے رہتے ہیں اور (ہمہ وقت) پاکیزگی بیان کرتے ہیں، (اللہ نے) فرمایا: میں وہ کچھ جانتا ہوں جو تم نہیں جانتے،(30 – البقرۃ)

اور اسی لئے اللہ (عزوجل) نے فوراً شیطان کو(آسمانوں سے) نیچے اتارا کیونکہ وہ فرشتوں اور فرشتوں کے علم کو آلودہ کررہا تھا۔ اگر فرشتے خطرے میں ہیں تو، اس زمین پر انسان کا تصور کریں۔اگر فرشتے ظاہر اور علم، قرات سے بہت متاثر ہوئے۔ لیکن انہوں نے نہیں دیکھا اور نہ اسکے (دل) میں جھانکنے کی فرصت ملی اور (ورنہ ) کہتے اس(شیطان) میں بہت حسد ہے، بہت غصہ ہے ، بہت ہی برا کردار ہے اور وہ بُرا اثر ڈال رہا ہے۔ لہذا ، مطلب ہے کہ ہماری زندگی میں خود کو دیکھنے ، اپنے دل میں جھانکنا ، ایک مستقل عمل ہے۔بہترین کردار اپنانا، سیدنا محمد (ﷺ) کی محبت رکھنا اور تقوی اختیار کرنا اور تعلیم کو اللہ (عزوجل) پر چھوڑ دینا۔

اِتَّقُوْاللّٰہ وَعَلِیْمُ کُمُ اللّٰہ (اللہ عزوجل سے ڈرو اور اللہ عزوجل تمہیں سکھاتا ہے)۔اگر آپ میں اللہ (عزوجل) کا تقویٰ ہے، تو اللہ (عزوجل) [آپکا ] معلم ہوگا. اللہ (عزوجل) علوم کو دل میں اُترنے کا حکم دے گا ، فرشتوں کو نیچے اترنے اور اس بندے کے دل میں داخل ہونے کا حکم دے گا۔ اللہ (عزوجل) الرَّحْمٰنْ، کی ہر صفت،صفت الرحمن سے فوری طور پر ایک فرشتہ ظاہر ہوگا اور آپکی روح میں جائے گا اور آپکو اس وصف سے سجائے گا اور مسلسل آپکو اس صفت سے ملبوس کرتا رہے گا۔ اللہ (عزوجل) کا فضل کوئی قابل تصور چیز نہیں ہے لیکن دنیاوی لوگوں کے ساتھ کس طرح ڈیل کیا جائے جبکہ وہ انتہائی قابلِ رحم اور سخت بددماغ ہوتے ہیں۔ وہ نہیں سوچتے کہ یہ سارے دایش اور زمین پر موجود یہ سب پاگل لوگ ،یہ تلاوت کررہے تھے اور وہ لوگوں کو جلا رہے تھے۔ وہ عربی میں رواں تھے اور وہ لوگوں کو ہلاک کر رہے تھے اور ڈبو رہے تھے اور جلا رہے تھے۔ کیونکہ ان کے دل میں نور کا قطرہ بھی نہیں تھا۔ ہماری دعا ہے کہ اللہ (عزوجل) ہمیں محبت اور پیار رکھنے والوں میں رکھے اور ہم اللہ (عزوجل) سے دعا گو ہیں ، یا رب میری آنکھیں اور کانوں کو مجھے دھوکے میں نہ ڈالنے دینا۔مجھے ہمیشہ ان لوگوں کے ساتھ رکھنا جو نبی کریم (ﷺ) کے لیے بے پناہ عشق رکھتے ہیں اور کہ وہ اس محبت کی پرورش اور تربیت کرنے کے لیے کوشاں ہیں اور وہ اس محبت کی تعلیم پر قائم رہتے ہیں اور اس حقیقت سے ملبوس ہیں اور اس حقیقت سے برکت پاتے ہیں ، یاربی اور یہ کہ تو مجھے محبت و عشق کے ان سمندروں سے تعلیم عطا فرما۔ کہ تو مجھے سیدنا محمد (ﷺ) کی بارگاہ میں پہنچا اور سیدنا محمد (ﷺ) کے انوار اور حقیقتوں سے ملبوس فرما۔

آَمِیْنْ بِحُرْمَةِ مُحَمَّدِ الْمُصْطَفیٰ وَبِسِرِّ سُوْرَةَ الْفَاتِحَهْ

URDU TRANSLITERATION:

–Apne dil mein nur e imaan ko parwan charhayen.Nabi kareem (ﷺ)ki mohabbat ko apna rehnuma ban'nay dijiye .
Zahir par inhisaar na karen. Aap ki ankhen aur kaan apko dhokay mein na dalain.

A’udhu billahi minash shaytanir rajim.
Allah AJ ki panah mangta hun shaitan mardood se

Bismillahir Rahmanir Raheem.
Allah AJ ke Nam se shuru krta hun jo nihayat mehrban reham krne wala ha

Ati'ullaha wa ati-ur-rasul wa ouli'I'll amr'i minkum
Ay emaan walo! Atta'at kru Allah AJ ki aur Rasul ﷺ ki aur apne mein se (Ahl e Haq) sahiban amr ki.

Aur hamesha mere –apne liye aik yaad dehani ana abdu'kal ajiz ,zaif,miskeen wa zalim wa jahil ( ya rab, mein aap ka aajiz, zaeef, maskeen o zalim o jaahil bandah hon ) aur aaj hum baat kar rahay thy ke jaisay hi aap comment section aur emails kholeen to aap ko tamam zahiri ( madiyat pasand ) log tabsarah karte hue mlitay hain aur yeh rasta ( raah e tareqat ) dil ke andar ki khoubsurti, dil ke andar ke noor aur dil ke aik shams , aik sooraj ban'nay par mabni hai, aur Allah ( azzwajal ) noor ul iman aur imaan ka shola bharkaye taakay dil pur zia ( purnur, roshan) ,Aik aatish ki terhan ho jaye. Jab woh dil jalta hai aur woh aag ( aatish e ishhq ) jal rahi hai, bande ka chehra qamar , aik chaand ban jata hai aur jo dil ki kefiyat ko zahir karta hai. Yani hamari yeh poori kehkashan har ensaan ke andar mojood hai, Allah ( azzwajal ) nay farmaya, tum kyun apni mairaaj nahi karte ?

Fala iqtahama alAAaqabata

" woh to ( deen haq aur amal kher ki ) dushwaar guzaar ghaati mein daakhil hi nahi hua " (90:11)

Yeh Surah Balad ka maheena hai.Jahan Allah ( azzwajal ) 9 aur 9 guna 10 = 90 ki taaqat se hum se daryaft farma raha hai. Nawway ( 90 )Siddiqeen ki qader hai. Chaar azeem seddiq jo is takhleeq ke dairay ko ghairay hue hain. 9 guna 4 = 360. Matlab ( dekhye ) haqeeqat ka yeh poora daira kaisay un siddiqeen ke ghairay mein hai : syedna Abu baker al siddiq ( As ) syedna umar ( As ), syedna usmaan ( As ), imam ali ( As ), Allah ( azzwajal ) ka un sab par duroood o salam ho.Ke haqayiq ka yeh maheena, arsh ellahi taq puhanche ki taleem ka maheena hai, ke hamara dil sooraj ban jaye.
Agar sooraj roshan hua to chehra aik chamakta hua chaand hoga. Woh log jo is duniya ke ( hogaye ) hain, ( inka ) dil khaali aur baatil hai aur aap ko chehray par sirf taareqi nazar aati hai. Zahiri aur bairooni log jo yeh mante hain ke unhon ne yeh kitaab –apne dimagh se seekh li hai, unhon ne –apne aamaal –apne dimagh ke zareya kiye, lekin is ke bawajood un ka dil kabhi bhi aisa nahi tha jisay dhoya aur pak kya gaya ho. Matlab agar dil mein taareqi hai to har andhera chehray se chhalak raha hai. Yahan taq ke chamak bhi nahi raha, yeh sirf aik khala hai jo har terhan ki roshni ko nigal le ga . Lehaza, momin ko –apne dil ko istemaal karne ki zaroorat hai ke yeh raah e maarfat achay kirdaar par mabni hai .yeh tohfa jo Allah ( azzwajal ) bande ko deta hai woh mohabbat ka tohfa hai. Agar yeh mohabbat ataa ki gayi hai to matlab Allah ( azzwajal ) naay bande ke qalb mein apna sab se azeem tohfa boya hai. Un ka farz hai ke woh is mohabbat ki parwarish karen, is mohabbat ki hifazat karen. Ke imaan mohabbat hai. Aik choti mombatii ki terhan woh mohabbat bohat hi kamzor aur be-had masoom hai is ko mohabbat se parwan charhana hai, mohabbat se is ki parwarish karni hai, achay kirdaar se usay seenchna hai. Yeh aik bohat hi aam feham baat hai. Bura kirdaar kabhi bhi mohabbat peda nahi kar sakta. Mohabbat ke baghair, imaan nahi.Log nahi samajte, sochate hain aqeedah kuch mukhtalif hai. Nahi, imaan mohabbat hai .

Jis ko bhi khuda ney mohabbat ataa ki, hai, un ke dil mein mohabbat ellahi, Allah ( azzwajal ) ki makhlooq ke liye shafqat, ird gird ki har cheez, yahan taq ke fitrat ke liye shafqat ( di hai ), hatta ke Allah ( azzwajal ) ney un ko –apne poooray wujood mein bhi saraapaa mohabbat bana diya hai . Is ka matlab hai ke Allah ( azzwajal ) ne unhein" wadud" ( ishq ) ataa farmaya hai, inhen imaan ataa kya. Agar un ke paas imaan hai, to unhein Allah ( azzwajal ) ki raza o khushnodi haasil hai. To, rasta phir dil par mabni hai. Hum ne bohat si misalein den. Agar har shakhs aap ke liye quran majeed ki talawat karta hai to, quran pak ki pakizgee jis par hum ittafaq karte hain ke yeh sab pak ( kalaam ) hai. To, koi aisi shye jo bohat hi khobsorat, pak ho jaisay qraan e majeed , syedna Muhammad (ﷺ)ki hadees mubarikah — sab se ahem woh bartan hai, jis mein yeh ( kalaam ) aap ke paas aata hai.

Agar yeh quran aap ke paas kisi bemaar shakhs ke honton aur kisi buray kirdaar ke zariye, kisi bemaar ki talemaat ke zareye aata hai to aap aaloda ho jatay hain '. Jis bartan mein aap peetay ho ( uska pak hona ) itna hi zurori hai jitna ke jo aap pi rahay hain is ka ( pak hona ). Kyunkay aap bohat saaray logon ko jaan se maar daalo ge. Aap inhen aik umdah mashroob dikhatay hain lekin aap ka glass ( bartan ) zahreela hai aur shetan yahi chahta hai. Tou, bohat aasaan baat hai, hamein arabi ki barri ( mushkil ) eslehaat ki zaroorat nahi hai. Shetan ka kaam bartanon ko zeher alood banana hai.Aur kisi zahreeley bartan ke zareya ilm ki farahmi hai. Lehaza, log zahir ke liye dorrtay hain jo un ki aankhon ko bhala lagta aur raghib karta hai.' oh qirat ( talawat ) kaamil hai, yeh akmal hai, libaas umdah hai, daarhi bilkul aik khaas tareeqay se kaati gayi hai, monchen iss terhan kati hain, balon ko is terhan tarasha gaya hai' lekin ho sakta hai ke kirdaar ( bhala ) na ho aur kirdaar yeh ho ke, is mein gussa aur gazabb hai aur cheekh o pukaar aur be adbi se baat karta hai.
Mein naay kisi ko sahaba karaam, ( syedna Muhammad ﷺ ke ) muaziz sathiyon, haqeeqat ke taron, ke baarey mein baat karte hue dekha, aur woh bhi un ( sahaba karaam ) ka pehla naam le kar' aah' ( shaykh un ki aawaz ki naqal karte hue ), phir unn ( sahabi ) ka naam liya, phir unn ( sahabi ) ka liya, phir unn ( sahabi ) ka naam liya, aik street fight ki terhan. Allah ( azzwajal ) dikha raha hai ke agar un ke mun se buraiee nikal rahi hai, dil to kahin ziyada kharab hai.

Ya ayyuha allatheena amanoo la tattakhithoo bitanatan min doonikum la yaloonakum khabalan waddoo ma AAanittum qad badati albaghdao min afwahihim wama tukhfee sudooruhum akbaru qad bayyanna lakumu alayati in kuntum ta'aaqiloona(3:118)

'wo tumhein sakht takleef phunchnay ki khwahish rkhte hain, ba'az tu onki zabano se khud zahir ho chuka ha, aur jo (adawat( onke seeno ne chupa rkhi ha wo iss se bhi barh kr ha.Hum ne tmhare liye nishaaniyan wazeh krdi hain, agr tumhein aql hu'
(3:118)

Agar un ke mun se kahi gayi bateen aap ko nagawaar lag rahi hain to, jaan len ke un ke dil mein jo hai woh is se bhi kharab hai kyunkay woh –apne mun se Nabi kareem (ﷺ)ko takleef dy rahay hain aur Allah ( azzwajal ) farmata hai, agar un ka mun ( zabaan ) aap ko nuqsaan pouncha raha hai aur aap ko ghumzdaa kar raha hai to un ke dil mein jo cheez hai woh is se kahin ziyada buri hai. Allah ( azzwajal ) soorat ki taraf nahi daikhta, Allah ( azzwajal ) shakal aur zahir ki taraf nahi daikhta lekin Allah ( azzwajal ) is bande ke dil ki taraf daikhta hai .

Allah ( azzwajal ) ki nazar ( nigah ) dil par parte hai. Agar yeh dil mohabbat se aari hai, to is ka matlab hai ke is mein aik amal bhi aisa nahi tha, jis se Allah ( azzwajal ) ny is ke andar mohabbat peda ki ho. Woh –apne khandN ya –apne bachon ke sath meharban nahi tha, kisi makhlooq ya kisi bhi cheez ke sath meharban nahi tha jis ki wajah se aap ko Allah ( azzwajal ) ki mohabbat ka aik qatra bhi nahi mil saka. Phir aap syedna Muhammad (ﷺ)se kis terhan pyar karen ge ya un (ﷺ)ki mohabbat rakhen ge ?Aisi jaghon par bhi hamara jana hua jahan, woh Nabi kareem (ﷺ)se mohabbat ka daawa karte hain aur woh khofnaak misalein dete hain, ( maslan )' aap (ﷺ)ka jism aisa tha jaisay aap jantay hain laraz raha ho.' aap is terhan ki batain kaisay keh satke hain?? Lehaza, matlab hai ke har aik ka androoni litmus test hota hai. Yeh sab common sense hai. Shaykh Nazim ( qs ) ki karamat aur moujza herat angaiz haqayiq ( ko aisay ) batana tha ke aik 5 sala bacha bhi aap ( qs ) ke sath baithta to samajh sakta tha .paicheeda arabi nahi jisay kisi dosray paicheeda arab ke siwa koi nahi samajh sakay. Lekin aik paanch sala bacha! ! Hamaray paas 5 aur 6 aur 7 saal ki umar ke bachay notes letay hain aur woh ghar par samajte hain,' shaykh ( q ) achay aadaab ke baray mein baat kar rahay thy '. Bas yahi baat hai, ammi cheekhain nahi. Shaykh ( qs ) ney farmaya hai :' achay ikhlaq apnayen. 'Bachay seekhein ge. Aap ko koi paicheeda cheez dainay ki zaroorat nahi hai. Woh bachay jo dekh rahay hain woh samajh gaye, woh –apne walidain se kehte hain, '
,"molana ( q ) ne farmaya tha ke" cheekhain nahi, acha sulooq karen." aur aap ( kehte hain ),' oh! Haan unhon ( shaykh ) ne farmaya tha, theek hai' ( hansi ). Sahih? Tou, bohat paicheeda haqeeqat. Woh logon ke dil ki taraf dekhte hain., aap, is bayan ( lecture / khutba ) mein sunen aur is talk Khalaq al insan mein, Allamal quran, khalaqal insaan, aur phr humne issay sikhaya Albayan.

Ar-Rahman
Allamal Quran
Khalaq Al Insan
Allama'hul Bayan
(55:1–4)

wo Rahman hi hay,
Jisne Quran sikhaya,
Ousi ne (iss kamil) insaan ko paida frmaya,
Ousi ne issay(Yani Nabi e Barhaq ﷺ) ko bayan sikhaya,

Matlab ke yeh syedna Muhammad (ﷺ)ki lisan mubarak ka bayan hai. Aur yeh hamari poori zindagi ki khwahish hai ke' ya rabbi, mujhe syedna Muhammad (ﷺ)se meri apni zaat se ziyada mohabbat ataa kijiye. Nabi kareemﷺ ki mohabbat ko, mere dil ki rahnumai karne dijiye, meri aankhon ko khobsorat aur zabaan ko meetha ( sheree lehja ) bananay dijiye. Agar aap kabhi dukhi bahar baithy hon aur phir Allah ( azzwajal ) tamam parindon ko ird gird bhaij day. Agar aap kabhi affsurda aur udaas hon to kisi park mein jayen aur sunen tou apko yeh tamam parinday sunayi dainay lagen ge jo Allah ( azzwajal ) ki hamd o sana kar rahay hain, –apne poooray dil se hamd kar rahay hain, –apne ishq aur mohabbat mein doobe cheh-cha-ha rahay hain aur Allah ( azzwajal ) ney farmaya, yeh bhi aap ki terhan hain. Is waqt jab aap –apne salawat ( durood ) parh rahay hotay hain aur syedna Muhammad (ﷺ)ki mohabbat ka izhaar kar rahay hotay hain aur logon ko syedna Muhammad (ﷺ)ki mohabbat sikha rahay hotay hain, tou hamari tamam rohaniyat ( rooh ) parinday ki terhan hojati hai.
Allah ( azzwajal ) haqeeqat ko firshton ki manind takhleeq kardaita hai aur yeh farishtay kaamil aur khobsorat sana ke sath hain, aur inhen syedna Muhammad (ﷺ)ki bargaah mein bhaij diya jata hai. Aur woh hamd aur sana krne lagtay hain aur har hamd aik libaas aur nemat hai jo syedna Muhammad (ﷺ)par bhaije jarahi hai. Goya farishtay syedna Muhammad (ﷺ)ke muqaddas noor mein, muqaddas qalb mein daakhil ho rahay hain. Is raah ke baray mein har cheez aik khobsorat kirdaar ki hai. Hum naay kaha ke jab aap aisa karte hain ( shaykh apna dst e mubarak choom kar phir –apne qlb e mubarak par rakh letay hain ) jab syedna Muhammad (ﷺ) ka naam e nami zikr kia jata ha, aur aap apne dil ko bosa detay hain tu Allah (azawajjal) aik farishta bnata ha, aik farishtay jo wajood mein lata ha. Issi mohabbat se, jiska apnay abhi izhar kia, aik farishta zahir hoga aur foran syedna Muhammad (ﷺ) ke nur mein parwaz krega aur ye btaega ke ye (mohabbat) iss bande ki traf se ha.ye (banda)apko mohabbat bhej raha ha.ke jab ap apne angothon ko sayyidina Muhammad (ﷺ) ke ism e Mubarak aur azaan per choomtay hu(Shaykh apne angothoon ko bosa detay hain aur issay apni ankhon per rkhte hain).Qurratul-Ain (tu ye ankhon ki thandak ha).Ay Meray Rabb! Tu app sawal krte hain ke 'ay meray Rabb! Iss nur se jo tuu nay mjhe atta kia, meray nur ko, meri ankhon per Nur e Muhammad ﷺ se muzzayyan frma.Rahman aur Raheem ki ye Haqeeqat khulnay dy.Sayedna Muhammad ﷺ ke khoobsorat aur pakeeza anwaraat (ka deedar krun),mjhe Allah (azawajjal) ne jo takhleeq frmai (nur e Muhammad ﷺ) ,ki khoobsoorti ka deedar ata hu,tu ye meri zindagi ka imtehan ha.Allah (azawajjal) frmata ha,kia app ke pass dekhne ko ankhen hain?woh jaanta hai ke is ny hamein aankhon ke sath peda farmaya hai.' aur kya un ke paas suneney ko kaan hain ?' hamari zindagi isi baray mein thi ke jab hum un maqamat aur un channels se –apne ilm ka mushahida karte aur usay haasil karte hain, Allah ( azzwajal ) sawal farma raha hai:"kya aap ke paas suneney ko kaan nahi?" woh jo cheekh raha hai aur Chilla raha hai aur bura bhala keh raha hai, is se mun mourr lau, jo kuch bhi aaraha hai woh aap ke kaanon ke liye aik zeher hai, aap ke dil ke liye zeher hai aur phir Allah ( azzwajal ) aankhon ke baray, yeh poochta hai ke kya aap ke paas dekhne ke liye ankhen nahi hain? ke is shakhs ki nazrain jo gandagi dekhatii hain, woh aks hoti hai aur aap ki pooore Rohani nigah ko ganda kardeti hai . Aur woh kehte hain,' agar aap kisi ganday be-ghar shakhs ko le len, yeh theek nahi hai, to kirdaar saloon se kharab aur naraaz aur ghinauna hai aur aap usay safaid poshak ( libaas ) pehnate hain. Kya woh aap ke liye khobsorat ho gaya hai kyunkay aap ne kisi par sirf aik ( saaf ) chadar daal di? Aap gandagi aur kirdaar ko nahi dekh satke lekin agar aap kisi malakoti shakhs ( ehley firasat ) ko le jatay hain jis ka kirdaar malkoti hai,noor khoobsorat hai aur aap usay ganda libaas pehna den, is ke noor ki khoubsurti phir bhi chamkay gi. Yeh kapray nahi hain jo aadmi ko ( khobsorat ) banatay hain balkay woh ( mohabbat ) hai jo Allah ( azzwajal ) ny un ke dil mein daali hai. Yeh rasta tareek raat ke sitaron ki terhan dil ki haqeeqat par mabni hai. Matlab had se ziyada jabar zameen par chaaa jaye ga. Nabi kareemﷺ ne nojawanon ke khatray ko bayan farmaya, mutaqabbir nojawan jo itnay taqqabur se bharay hue hain ke chothee si umar mein hi woh mufti ban jatay hain. Aik 22, 25 hatta ke 30 ( baras ki umar mein ) woh mufti hain aur un ke aloom aur maloomat taqqabur par mabni hain. Shetan ka fakhr, ustaad tha. Hum ny kaha tha ke usaatzaa ki khasusiyat taalib ilm ko mutasir karti hai. Agar ustaad gussa karta hai tou, ustaad bura hai, ustaad ka kirdaar kharab hai, ustaad ki samajh ghalat hai, is se taalib ilm mutasir hota hai. Aur isi wajah se farishtay shetan se mutasir hue thy. Woh farishtay jo mazloom hain aur kaamil ( masoom ) takhleeq hue hain, unhon ny Allah ( azzwajal ) se sawal kya.' yeh woh khalifa ( naib ) hai, jo khonrezi karne wala hai ?' farishtay Allah ( azzwajal ) se kis terhan pooch satke hain? Kyun? Kyunkay un ka ustaad shetan tha, yeh firshton ka giroh tha jin ka ilm shetan se araha tha. Woh mulaika ( firshton ) ko taleem day raha tha, woh dars o tadrees aur sabaq deta tha. Usay taqqabur tha. Woh –apne aloom aur taleem par itna fakhr karta tha aur farishtay herat zada thy aur usay ( ilm ko ) liye ja rahay they. Lekin Allah ( azzwajal ) shetan ko be-naqaab karna chahta tha. Lehaza, fori tor par taakay woh farishtay samajh jayen ke yeh woh ilm nahi, jo aap ke liye ahem hai balkay is kirdaar ko dekhen jo is naay aap mein undela hai, ke jab mein kuch kehta hon to aap ne is par sawal kya.' kisi farishtay ya insaan ya kisi bhi cheez ki kya majaal ke Allah ( azzwajal ) se sawal kere? Mein ne kaha,' mein ne aadam ko apna khalifa banaya' aur phir aik farishta aa kar kehta hai,' kyun? Woh ( ensaan ) khonrezi bapaa kere ga. Goya woh Allah ( azzwajal ) se ziyada jaanta hai aur yahi khatrah tha .

Waith qala rabbuka lilmalaikati innee jaAAilun fee alardi khaleefatan qaloo atajAAalu feeha man yufsidu feeha wayasfiku alddimaa wanahnu nusabbihu bihamdika wanuqaddisu laka qala innee aAAlamu ma la taAAlamoona(2:30)

'Aur ( woh waqt yaad karen ) jab aap ke rab naay firshton se farmaya ke mein zameen mein apna naib bananay wala hon, unhon naay arz kya : kya too zameen mein kisi aisay shakhs ko ( naib ) banaye ga jo is mein fasaad angezi kere ga aur khonrizi kere ga? Halaank hum teri hamd ke sath tasbeeh karte rehtay hain aur ( hama waqt ) pakizgee bayan karte hain, ( Allah naay ) farmaya : mein woh kuch jaanta hon jo tum nahi jantay. '( 30 – al-baqrah )

aur isi liye Allah ( azzwajal ) naay foran shetan ko ( asmano se ) neechay utaara kyunkay woh firshton aur firshton ke ilm ko aaloda kar raha tha. Agar farishtay khatray mein hain tou, is zameen par insaan ka tasawwur karen. Agar farishtay zahir aur ilm, qirat se bohat mutasir hue. Lekin unhon nay nahi dekha aur na uskay ( dil ) mein jhanknay ki fursat mili aur ( warna ) kehte is ( shetan ) mein bohat hasad hai, bohat gussa hai, bohat hi bura kirdaar hai aur woh bura asar daal raha hai. Lehaza, matlab hai ke hamari zindagi mein khud ko dekhnay, –apne dil mein jhankna, aik mustaqil amal hai. Behtareen kirdaar apnaana, syedna Muhammad (ﷺ)ki mohabbat rakhna aur taqwa ikhtiyar karna aur taleem ko Allah ( azzwajal ) par chore dena .

Itta'qullah wa Aleemukumullah ( Allah azzwajal se daro aur Allah azzwajal tumhe sikhata hai ). Agar aap mein Allah ( azzwajal ) ka taqwa hai, to Allah ( azzwajal ) [ aapka ] mualim hoga. Allah ( azzwajal ) aloom ko dil mein utarne ka hukum de ga, firshton ko neechay utrney aur is bande ke dil mein daakhil honay ka hukum day ga. Allah ( azzwajal ) Ar-Rahman, ki har sift, sift Al Rehman se fori tor par aik farishta zahir hoga aur apkee rooh mein jaye ga aur apko is Wasf se sajaye ga aur musalsal apko is sift se malbous karta rahay ga. Allah ( azzwajal ) ka fazl koi qabil e tasawwur cheez nahi hai lekin dunyawi logon ke sath kis terhan deal kya jaye jabkay woh intehai qabil e reham aur sakht bad-dimag hotay hain. Woh nahi sochate ke yeh saaray daish aur zameen par mojood yeh sab pagal log, yeh tilawat kar rahay thy aur woh logon ko jala rahay they. Woh arabi mein rawan thy aur woh logon ko halaak kar rahay they aur duubo rahay thy aur jala rahay thy. Kyunkay un ke dil mein nur ka qatra bhi nahi tha. Hamari dua hai ke Allah ( azzwajal ) hamein mohabbat aur pyar rakhnay walon mein rakhay aur hum Allah ( azzwajal ) se dua-go hain, ya rab meri ankhen aur kaanon ko mujhe dhokay mein na daalnay dena.Mujhe hamesha un logon ke sath rakhna jo Nabi kareem (ﷺ)ke liye be panah ishq rakhtay hain aur ke woh is mohabbat ki parwarish aur tarbiyat karne ke liye koshaan hain aur woh is mohabbat ki taleem par qaim rehtay hain aur is haqeeqat se malboos hain aur is haqeeqat se barket paate hain, Ya Rabbi aur yeh ke tou mujhe mohabbat o ishq ke un samndron se taleem ataa farma. ke tou mujhe syedna Mohammad (ﷺ)ki bargaah mein pouncha aur syedna Muhammad (ﷺ)ke Anwaar aur haqeeqaton se malboos farma.

Ameen Bi hurmati Muhammad al-Mustafa wa bi sirri surat al Fatiha.

یہ مضمون انگلش میں پڑھنے کیلئے
Read English Transcript:
https://www.facebook.com/…/a.16933514440…/3194983260591443/…

یہ بیان اس لنک پر دیکھا جا سکتا ہے:
Link to watch this Suhbah:

https://www.facebook.com/shaykhnurjanmirahmadi/videos/1441808952695033/

یو ٹیوب چینل سبسکرائب کیجئے۔
Subscribe Now: The Muhammadan Way Sufi Realities

https://www.youtube.com/channel/UC4E8QX7OgwYDgyuuXTBMrcg

شیخ سید نور جان میر احمدی نقشبندی (ق) کا آفشیل فیس بک پیج لائک کیجئے:
Official Page: Shaykh Nurjan Mirahmadi Please Like and Share

https://facebook.com/shaykhnurjanmirahmadi/

مضامین کے اُردو ترجمہ پڑھنے کیلئے
Read His Articles Translated in Urdu

https://nurmuhammad.com/category/urdu/

Source